LAOAG CITY – Nagtalinaed nga awan ti poot ti biktima ti napasamak a desgrasya iti ili ti San Nicolas iti Mariano Marcos Memorial Hospital and Medical Center iti ciudad ti Batac.
Nabigbig daytoy a ni Roy Santos, agtawen ti 48, naasawaan, construction worker, ken residente ti Barangay Darayday iti ili ti San Nicolas.
Maipalagip nga idi rabii ti Enero 25 ket nagdinnungpar ti motorsiklo nga inturong ni Santos ken ti maysa a kotse nga inmaneho ni Gerald Asuncion, maysa nga estudyante ken residente ti Barangay 15 San Jose iti ili ti San Norte.
Naamoan a gapu ti napasamak a desgrasya ket nagsagaba ti nakana a sugsugat ti biktima kangrunaan ti ulo na.
