LAOAG CITY – Nakapagsapatan dagiti baro nga opisyal iti Philippine Councilors League, Ilocos Norte Chapter babaen ken ni Gov. Matthew Marcos Manotoc.
Segun kenni Laoag City Councilor ken napili kas baro a Philippine Councilors League President Handy Lao a maragsakan iti panangipaay dagiti padana a konsehal ti talek ken suporta kenkuana.
Inbatadna nga addanto maiyuswat a Regular Session da tapno maammoan da dagiti problema kadagiti nagduduma nga ili ken ciudad ditoy probinsya.
Inpakaammo ni Lao a malaksid nga ituloy na dagiti manarimaan a proyekto ket nayunan na pay dagitoy tapno matulungan dagiti padana a konsehal ditoy probinsya.
Inlawlawag na nga addanto Regular Meeting a maangay kaduana dagiti padana a naelektaran.
Nagyaman met ni Laoag City Councilor Lao ti naiget a suporta da Gov. Matthew Marcos Manotoc ken Senador Imee Marcos kenkuana.
Nakasagana met a tumulong ti baro naelektaran kas Executive Vice President iti Philippine Councilors League-Ilocos Norte Chapter a ni Badoc Councilor Jonathan Torralba kadagiti padana a konsehal ken kadagiti umili ditoy probinsya.
Inbatad na nga adu pay ti mainayun da a programa iti proyekto ti organisasion da a pagsayaatan ti probinsya.
Malaksid kenkuana, naelektaran kas Vice President iti st District ni Roque Benjamin Ablan; Vice President 2nd District Lester Ballesteros; Secretary General ni Bismark Quidang; Deputy Secretary General ni Ma. Jadel Jansseña Velasco ken dadduma pay.
Kabayatanna, dagiti baro a naelektaran iti nasao nga organisasyon ket agpapada nga unopposed wenno awan ti kinabinnalubal da iti posisyon.
