LAOAG CITY – Adda ti manamnama a rally babaen kadagiti nagannak ken mangisursuro ditoy probinsia kalpasan ado dagiti indibidual a mangipabpablaak a saanda a mapnek iti rekomendasion wenno solusion ti biang ti Piddig National Highschool nangruna iti mangidadaulo a ni Dr. Rizalina Manzano.
Dauytoy ket kalpasan iti isyu a dinangran ti dua nga estudiante nga agkabsat ti mestroda a ni Mr. Marlon Agustin idi Setiembre 10, 2024.
Maipalagip a pinasengkedan ni Manzano, nga awan ti nakitada a sugat wenno lamma iti biktima a mestro.
Nupay kasta, adda dagiti impormasion a naikkat iti tallo a ngipen ti nadakamat a mangisursuro ken pakairamanan dagiti lamma nga adda ti rupana.
Basar kadagiti impormasion ti nadakamat nga addang nga ararimden dagiti nagannak ken mangisursuro ket wagas tapnu iyikkis ken rumbeng nga iduron dagiti nasao a manguisursuro pakairamanan ti baing ti Department of Education Ilocos Norte a mangkita iti maiyannatop a solusion maipanggep iti nasao a banag.
Kabayatanna, ado dagiti mangisursuro ti naalarma gapu ta makitada nga awan ti linteg a naan-anay a moprotekta kadakuada.
