LAOAG CITY – Sumangsango ti World Health Organization iti panawagan ti nagastos nga 11th Conference of the Partiesto the Framework Convention on Tobacco Control gapu iti ‘funding constraints’ ken ti pagam-amkan mainaig kadagiti ipangpangruna daytoy basar iti harm reduction advocates.
Inbatad ti harm reduction advocates kas ti Coalition of Asia Pacific Tobacco Harm Reduction Advocates a nasken nga i-redirect ti World Health Organization ti resources para iti nagastos a November 2025 meeting idiay Geneva iti panangsolbar iti ad-adda a kasapulan iti global health crises nga imbes a banatan ti tobacco harm reduction.
Dinakamatda ti panangdepende ti organisasion iti private funding kangrunaanna iti Bloomberg Philanthropies ken panagikkat ti major donors kas ti Estados Unidos.
Ti panangtutuk iti tobacco control ti rason no apay a nagkurang ti pundo manipud iti mandato nga itandudo ti salun-at ken kinatalged ken tulungan dagiti nakakapsot.
Iti COP11, naka-iskedyul inton Nobiembre 17 agingga iti 22, 2025 iti Geneva International Conference Centre idiay Switzerland ket manamnama nga aggastos ti World Health Organization ti minilyon a dolyar.
Rumrummuar nga inikkaten ti Estados Unidos ti World Health Organization membership daytoy, dinakamat ti panangiggem ti organisasion iti COVID-19 pandemic a nangrugi idiay Wuhan, China ken dadduma pay a krisis iti salun-at, pannakapaay nga adaptaren ti reporma ken kinaawan daytoy ti kabaelan nga ipakita ti independensia wenno panagwaywayas manipud iti political influence.
