LAOAG CITY –Naiyamammon dagiti kandidata dagiti nagduduma nga ili ken siudad ditoy probinsia para iti Miss Ilocos Norte 2026.
Dagiti naiyamammo a kandidata ket bukbuklen ti 23 a kandidata manipud kadagiti tunggal siudad ken ili ditoy probinsia.
Naiyasangkat ti launching dagiti kandidata idi laeng kalman iti dakkel a mall ditoy siudad nu sadinno a kalpasan ti panangiyamammoda ti bagbagida iti publiko ket ada pay ti naisayangkat a question and answer portion kadakuada manipud kadagiti kameng ti media.
Segun ken ni Mr Aian Raquel, mangidadaulo ti Provincal Tourism Office nga ita a tawen ket naidumduma gapu ta imbes a dagiti leng mangabak ti maipaayan ti scholarship program kas idi napalabas a tawen ket mapagbalin a tunggal maysa kadakuada ket maipaayan ti scholarship program.
Gapu iti daytoy, patien ni Raquel a dakkel a makatulong daytoy kadakuada ken kinunana a no dumteng to ti panawen nga awan ton ti beauty pageant a maiwayat ditoy probinsia ket saan a mapukaw ti edukasion a maipaay kadakuada.
