LAOAG CITY – Napateg ti panangipangpangruna ti bukod a produkto dagiti umili ditoy siudad ti Laoag.
Daytoy ti inbatad ni Atty. Charito Malicad, ti City Tourism Officer ditoy siudad kabayatan ti pannakaitampok dagiti nagduduma a produkto ti umuli ti Agri-industrial and Trade fair.
Kuna ni Malicad nga iti panagpiyesta iti siudad ket saan laeng a para kadagiti nagagarbo a programa ken aktibidad no diket paset pay iti panagyaman kadagiti agkakalaing nga umili ditoy siudad nga agar-aramid kadagiti nagduduma kas iti taraon, bado, tugtugaw ken dadduma pay.
Inpakaammo na a dakkel a tulong daytoy kadagiti micro small and medium enterprises tapno maiyam-ammo pay iti kaadoan dagiti produkto da.
Innayon ni Malicad nga ado dagiti napipintas ken dekalidad a bukod a produkto ditoy siudad a rumbeng a maitampok wenno maiyam-ammo iti publiko.
