LAOAG CITY – Naitampok dagiti nagduduma a produkto iti amin a barangay ditoy ciudad ti Laoag iti naiyuswat a programa nga One Barangay, One Product Fair.
Segun kenni Association of Barangay Council (ABC) President Rbee Ablan, a makita pay ditoy dagiti produkto nga aramid dagiti 4H club, mannalon, mangngalap, grupo dagiti babbai ken dadduma pay.
Inbatad na a dakkel a tulong daytoy para kadagiti maseknan nga indibidual tapno mailako dagiti produkto ken iti panangipromote iti social economic iti lokal a gobierno.
Kunana a tapno ad-adda maitampok iti publiko dagiti nasao a produkto ket nagpaot iti tallo nga aldaw iti nasao a programa iti mismo nga Aurora Park.
Al-allukoyen ni Ablan dagiti umili a gumatang ken suportaran iti local products gapu ta isu pay a mainayon nga agserbi iti pamilya dagitoy.
Mainaig iti daytoy, kunana a saan laeng a panangtulong kadakuada iti gagem daytoy a programa no diket maipakita pay ti talento da babaen kadagiti aramid da a produkto.
Kabayatanna, makita iti trade fair dagiti kuribot a naaramid iti kawayan, lupot a naaramid babaen iti abel ken dagiti natnatteng.
