LAOAG CITY – Inpakaammo ni Liga ng mga Barangay President Ryan Jhon A. Pascua, Chairman iti Komite ti Transportasion ditoy probinsia ti Ilocos Norte dagiti nagduduma a programa a maipaay iti sektor ti transportasion.
Pakairamanan kadaytoy ket ti panangibunong ti bagas.
Mainaig iti daytoy, namnamaen a daytoy a tulong, uray bassit leang ket makatulong kadagiti drayber ken operator nga apektado iti agtultuloy a panagngato ti presio ti petrolyo.
Inbatad pay ni Hon. Pascua nga adda pay sabali a maipasa a programa ken maiyur-uray ti pormal a pannakaiyimplementarna.
Nupay nagkedked pay laeng a mangibaga ti naan-anay a detalye, inpasiguradona a daytoy ket agserbi para iti nasao a sektor.
Innayonna a ti kangrunaan a maipaay kadagiti iti agdama drayber ket iti fuel subsidy.
Kunana a saan a pulos a baybay-an ti probinsia dagiti drayber ken operator nga agsagaba iti panagngato ti presio ti gasolina.
Inpasigurado na a kitaen met laeng ti komite ti pagsayaatan, saan laeng dagiti drayber ken operator, no di ket pati ti intero a riding public wenno ti komunidad nga agluglugan.
