LAOAG CITY – Umabot iti 34.8% ti pakabuklan nga energy consumption ti pagilian idi 2025 ti nausar ti transport sector, basar iti datos ti Department of Energy.
Inpaganetget ti ahensia a napateg ti saan laeng ti kinaadu ti mausar nga enerhia no diket kasano ti pannakausar ti ad-adda nga efficient ken ad-adda a nadalos iti pakabuklan nga transportasion.
Paset daytoy ti alisto a panagakar iti panagusar ti electric mobility iti intero a pagilian.
Iti babaen ti Electric Vehicle Industry Development Act (EVIDA), targetna nga umabot ti 5% agpangato ti Electric Vehicle share kadagiti covered government ken private fleet sakbay ti tawen 2034.
Manamnama met nga ngumato pay iti 10% ti target ti Electric Vehicle charging insfrastructure ken panangdutok dagiti green routes para iti electric public transport.
Iti babaen dagitoy nga addang, gagem ti Department of Energy nga inut-inot a dalusan ti panagusar ti enerhia iti transport sector kabayatan nga pinapaimbag ti efficiency dagiti biahe iti pagilian
