LAOAG CITY – Inbatad ni Cong. Sandro Marcos a karbengan dagiti personnel ti Philippine National Police (PNP) a maipaayan da kadagiti ramit para iti panangannunong da iti trabaho da.
Segun kenni Marcos, dagiti naipaay a ramit iti kada istasyon ti pulisya iti Ilocos Norte ken Ilocos Sur ket mangpatibker pay iti pwersa ti kapulisan.
Nagyaman met ni Marcos kenni Police Brigadier General Dindo Reyes, Regional Director ti Philippine National Police Regional Office 1 a nangibagi kenni Interior Sec. Jonvic Remulla kasta met ti DILG Regional Director Jonathan Paul Leusen, Jr.
Karaman kadagiti naipaay iti kapulisan iti Ilocos Norte ket ti 19 units ti personal carrier 4×4; 2 units light transport vehicle; 4 units ti heavy motorcycle; 7 units ti light motorcycle; 2 units ti unmanned aerial vehicle wenno drone; 30 units combat helmet; 15 units ti 5.56 Basic Assault Rifle ken 5,400 rounds ti ammunitions para iti cal. 5.56; 72 units 9mm pistol; 34 units multi-mode mobile device; 24 units ti desktop computers; ken 1 unit ti laptop.
Iti met Ilocos Sur ket 8 units ti personal carrier 4×4; 2 units ti light transport vehicle; 8 units ti light motorcycle; 2 units ti unmanned aerial vehicle wenno drone 30 units ti combat helmet; 29 units ti 5.56 Basic Assualt Rifle ken 10,400 rounds ti ammunitions para iti cal. 5.56; 35 units 9mm pistol and 3,500 rounds ti ammunitions para iti 9mm; 29 units multi-mode mobile device; 35 units ti desktop computers ken 1 unit ti laptop.
Mainaig iti daytoy, napadayan met ti Provincial Director ti La Union a ni Police Col. Redentor Cabasag Ulsano gapo iti balligi a pannakatiliw da iti aglalako iti marijuana nga agbalor iti 2.3 million pesos; iti met officer-in charge ti Dagupan City Police Office a ni Pol. Col. Orly Pagaduan gapo iti pannakatiliw met iti buy-bust ti maysa nga indibidual a maipagarop a naglako iti agbalor ti 686,000 pesos nga iligal a droga; kasta met kenni Pol. Col. Agosto Mamuad Asuncion ti Acting Provincial Director ti Ilocos Sur gapo iti balligi Marijuana Eradication Operation nga agbalor ti 44,150,000 pesos.
Napadayawan pay ni Pol. Col. Arbel Mercullo, ti officer-in charge ti Pangasinan Police Office gapo iti balligi nga operasyon a nakatiliwan ti dua nga high value target ken nakumpiskar da iti nasurok 7 bilyon a pisos a shabu; ken ni Ilocos Norte Provincial Director Police Col. Joemar Labiano gapo iti balligi a pannakatiliw ti regional level Top 4 nga addaan ti kaso a Statutory rape; ken kasta met kenni Pol. Col. Fidel De Guzman, ti Force Commander ti Regional Mobile Force Company 1 gapo iti pannakatiliw ti Top 3 Regional Most Wanted iti Police Regional Office 4A gapo iti illegal recruitment.
Kabayatanna, inbatad ni Marcos a saan nga agsardeng a mangipaay ti tulong ditoy probinsya iti laksid dagit nagduduma nga isyu iti pagilyan.
