LAOAG CITY – Nagduduma a Tourism Infrastructure Projects maiyalukaran ti dakdakkel a pondo.
Maiyalukaran ti dakdakkel a pondo dagiti tourism infra projects ditoy probinsia.
Segun kenni Provincial Tourism Officer Ianree Raquel, babaen ti pannakai-reprogram dagiti nabatbati a pondo manipod iti capital outlay iti tawen 2020-2022 ket al-alisto a maileppas dagitoy a proyekto.
Kunana a napinpintas daytoy ngem ti in-inot a pannakaiyalokar ti pondo.
Naamoan a karaman kadagiti a proyekto ket farmer’s monument iti ili ti Pinili, monumento ti mangngalap iti Currimao ken ti pannakapapintas ti Solsona viewdeck nga iti agdama ket narugyananen babaen ti pannakibinnulig ti probinsia iti Department of Public Works and Highways a daytoy ket manamnama payen a malpas iti maudi a kwarter ita a tawen.
Innayonna nga ado pay dagiti plano da a proyekto a mangted pammigbigbig ti kultura ken tradisyon ti probinsia.
