LAOAG CITY – Manamnama a malukatan ken maipasdek iti kabiitan a panawen dagiti proyekto babaen iti TIEZA wenno Tourism Infrastructure and Enterprise Zone Authority (TIEZA) ditoy probinsia.
Segun ken Mr. Ianree Raquel iti Provincial Tourism Office, adda dan iti final stage para kadagiti proyekto partikular iti Sand Dunes Tourist Center, Ferry Around the Lake ken ti Paoay Lake Tour.
Patien ni Raquel a babaen kadagitoy a proyekto ket ad-adda pay a magutigot dagiti turista nga umay bumisita ditoy probinsia, partikular iti ili ti Paoay.
Maipalagip nga umabot iti 180 a milyon a pisos ti naiyalokar a pondo para iti pannakapadur-as ti Paoay Lake ken Paoay Sand Dunes.