LAOAG CITY – Nakaplastaren dagiti nagduduma a maipatugpal a workshops para kadagiti Kapitan ditoy probinsia.
Segun ken ni Ilocos Norte Liga ng mga Barangay President Ryan John Pascua, manamnama a maiyuswat dagitoy a programa inton bulan ti Pebrero wenno Marso inton sumaruno a tawen ngem awan pay ti eksakto a petsana.
Inbatadna a rumbeng laeng a maipatungpal daytoy a banag kas ti naiyataday iti linteg.
Inlawlawagna a babaen iti daytoy ket ad-adu pay ti masursuro dagiti Kapitan ditoy probinsia a mabalinda nga iyaplikar iti panangidauloda iti bukudda a barangay.
