LAOAG CITY – Nakita iti kabaybayan ditoy Pilipinas ti narisgo nga species ti jellyfish nga am-ammo idiay Japan.
Naduktalan dagiti eksperto ti ebidensia a ti Chironex yamaguchii ket makita iti maaw-awagan a Coral Triangle wenno marine biodiversity hotspot pakairamanan ti Pilipinas.
Iti baet ti agarup kapada a physical characteristics, naduktalan dagiti eksperto ti bassit a genetic differences iti nagbaetan ti Philippine ken Japanese C. yamaguchii a mangibagbaga a ti Philippine C. yamaguchii ket mabalin a sabali nga species ken kasapulan ti naan-anay pay a panagadal.
Naammoan a karaman kadagiti sumagmamano a gagem ti eksperto ket ti panangisayangkat ti panagadal tapno agiwaras ti awareness seknan iti C. yamaguchii ken makatulong a mangipatungpal ti regulasion wenno pagannurotan iti beach safety ken ti panangimaton iti jellyfish populations.
Kabayatanna, ti research team ket bukbuklen da Sheldon Rey Boco, Christine Gloria Grace Capidos ken Dennis Talacay ti Philippine Jellyfish Stings Project kaduada da Raffy Jay Fornillos ken Dr. Ian Kendrich Fontanilla ti University of the Philippines – Diliman College of Science’s Institute of Biology; Phuping Sucharitakul ken Jonathan Lawley ti Griffith University’s School of Environment and Science in Queensland, Australia; Allen Collins ti Smithsonian National Museum of Natural History iti Washington, DC; Joseph Elliz Comendador ti National Museum of Natural History ti National Museum of the Philippines ken Facundo Rey Ladiao ti Leyte Normal University.
