LAOAG CITY – Inpakaammo ni Ma.Theresa B. Dizon De Vega, Philippine Ambassador to the Republic of South Korea a nagtalinaed ti normal nga operasion kadagiti nagduduma nga business establishments, pagadalan ken pambuliko a transportasyon ti pagilian a South Korea kalpasan a naikkat ti deklarasion ti martial law.
Segun kenkuana, napakaamoan dagiti Pilipino nga agtalinaed a kalmado ken siguraduen nga updated kadagiti mapaspsamak iti nadakamat a pagilian.
Kinunana a sakbay a nangideklara ti martial law ni President Yoon Suk-yeol ket normal dagiti nagduduma nga opearsion iti South Korea.
Inlawlawag ti ambassador ti proseso ti impeachment kontra iti presidente ti nadakamat nga ili a basar iti linteg da ket masapul a maisubmitir ti impeachment deal iti National Assembly.
Kabayatanna, pinasingkedan met ti embahada nga awan ti travel restrictions iti South Korea para kadagiti mapan bumisita wenno turista.
