LAOAG CITY – Madanagan dagiti kongesista iti pammaltog a napasamak iti Banga National High School iti South Cotabato ken nagpannawagan ti naig-iget nga addang para iti kinatalged dagiti estudiante.
Segun ken ni House Speaker Faustino ‘Bojie’ Dy III, saan nga isolated incident ti nasao a pammaltog gapu ta adda pay sabali nga insidente ti kinaranggas iti uneg ti pagadalan iti napalabas a bulan.
Ginutigot pay ni Dy a saan nga agiwaras ti sensitibo wenno graphic a ladawan ken video, kasta payen dagiti saan a beripikado nga impormasion wenno pammabasol iti insidente.
