LAOAG CITY – Inbatad ni Gian Frederick Arellano manipod iti Western Visayas a ti naiget a panagtraining da ti nangitunda ti panagkampeon da iti Sepak Takraw – Boys Secondary iti Palarong Pambansa 2025.
Kuna na a napalalo ti panagyaman da iti Diyos gapu ta saanna a binaybay-an dagitoy iti labanda.
Inrakurak na nga ado dagiti sinango da a problema sakbay a nagturong da ditoy Ilocos Norte para iti Palarong Pambansa, ngem saan a nagbalin a lapped dagitoy para iti arapaap da a panagkampeon iti Sepak takraw.
Inpakaammo pay ni Arellano a daytoy ti umuna ken maudi a pannakipaset na iti Palarong Pambansa gapu ta mapan ton iti kolehiyo.
Nupay kasta, inpasigurado na nga itultuloy na latta ti agay-ayam ti sepak takraw gapu ta isu ti inkarina iti bagina.
