LAOAG CITY – Kinumpirmaran ni Sen. Imee Marcos nga umaboten ti 49 a ribo dagiti naikkat a miembro ti 4P’s iti intero a rehiyon uno.
Segun kenni Marcos, ti nasao a bilang dagiti naikkat ket sipud idi tawen 2017 a panangrugi ti nasao a programa.
Inbatad ni Marcos nga adda dagiti sumagmamano a naikkat a 4P’s gapo iti maipagarop a kinatuso da.
Kunana a dagiti dadduma met a miembro pay laeng ket pimmintas ti panagbiag da ken adda ti pagtrabahoan da.
Mainaig iti daytoy, kuna ti senador a masapol a maadal a nalaing ti nasao a programa gapo ta nabayagen a naipatungpal.
Innayon na a nasken a maikkan ti naan-anay a tulong dagiti masakit, addaan ti rangkap ti bagi ken dagiti maibikang a bed ridden nga awanen ti ado pay a saludsod.
