LAOAG CITY – Kinumpirmaran ni Engr. Manuel Aurelio, assistant engineer iti City Engineering Office ditoy siudad ti Laoag a saanen a kukua ti lokal a gobyerno ditoy siudad dagiti nailako a landok iti maysa a junkshop iti Brgy. 2 ditoy siudad.
Inpetteng na nga awanen iti rekord da dagiti nailako a landok iti nasao a junkshop.
Inlawlawag ni Aurelio nga adda ti dua a wagas ti pangtingiting dagiti waste maetrials babaen ti Commission on Audit kas dagiti ma-condemn a materiyal ken maideklara a nadadael ken maibelleng.
Segun kenni Aurelio, dagiti naideklara a maibelleng a materyales ket inur-urnong dagiti mekaniko agraman iti opisina da tapno mailako iti junkshop.
Inbatad na a dagiti nacodemn nga equipment iti kallabes ket naiauction dagitoy ket nagatang ti agnagan ti Ben Carreon, maysa a bidder ken taga Tarlac.
Kiniddaw da kenni Carreon a dawaten da ti maysa nga equipment a nacondemn nga ibati na dagiti dadduma a partes a mabalin a mausar pay idi ta pinatgan ti bidder nga inbati dagitoy.
Kuna ni Aurelio nga idi naala da aminen a partes a mabaling a mausar pay laeng ket isun iti panangilako da dagiti nabatbati a saan a mausar.
Naglikodan na nga immabot iti 80 na ribo a pisos ti napaglakuan da kadagiti landok ngem ketdi 40 a ribo a pisos laeng nupay adda ti imbestigasyon ti Bombo Radyo a nagpauna ti akin kukua ti junkshop ti 50 a ribo a pisos ken insaruno na ti 30 a ribo a pisos kalpasan ti sumagmamano nga aldaw.
Iti mainaig a damag, inpetteng ni Engr. Manuel Aurelio, assistant engineer iti Laoag City Engineering Office a saan da nga inpakada iti pannakailako dagiti nasao a landok gapu ta awanen ti papeles na.
Inlawlawag na kenni Atty. Josephus Neres bayat ti panagsarsarita da dagiti sitwasyon dagiti nailako a landok ket awan met iti naibaga a prosseso gapu ta nagibasaran na ket awanen iti umiso a papeles dagitoy.
Mamati ni Aurelio nga awan ti nalabsing da iti linteg wenno saan nga iligal ti panangilako da kadagiti nasao a banag iti junkshop a naggapu iti opisina da.
Kabayatanna, inpasigurado ni Aurelio nga adda ti papeles manipud iti Commission on Audit a mangibagbaga a maibelleng dagiti nasao a lanlandok ken adda pay ti papeles daydi dinawat da a banag kenni Ben Carreon a nakibid iti naangay nga auction iti kallabes.
