Nailako daytoy iti record-breaking a gatad a 46,521 New Zealand dollars a katupag ti $28,400 wenno PHP1.6 million iti Webb’s Auction House idiay New Zealand.
Ti manmano a dutdot ti ipus ti huia ket immuna a napreserba iti agarup $2,000 agingga iti $3,000 wenno katupag ti P116,300 agingga iti P174,450, agingga a ngimmato iti $28,417 wenno nasurok a P1.6 milion idi laeng Mayo 20.
Segun iti Museum of New Zealand, ti dutdot dagiti tumatayab a huia ket ipatpateg unay dagiti tattao a Māori.
Masansan a maikawes daytoy kas headpiece a mangisimbolo iti high status.
Nalatak met daytoy para iti gift-giving ken trading.
Napateg met daytoy a paset ti pakasaritaan ti New Zealand isu a dagiti ag-bid ket kasapulan a rehistrado a kolektor.
