LAOAG CITY – Inpakaamo ni PCapt. Suerte Ubongen a nagsublin ti operasyon ti PNP Vintar.
Daytoy ket kalpasan a naikkaten ti naipatungpal a lockdown iti nasao nga stasyon.
Mainaig iti daytoy, kuna ni Ubongen a dua nga aldaw manipod nangrugi ti pannaka quarantine da ket dimmalan da iti swab test ken negatibo ti nagbalin a resulta.
Nu pay kasta, inleppas da ti 14 day quarantine kas panangsurot iti protocol.
Maipalagip a naipan iti quarantine dagiti 24 a kameng ti PNP Vintar ken nailockdown ti stasyon da kalpasan a nagpositibo iti covid-19 ni IN-C125.
Manipod iti nasao a bilang ket 20 ti nagquarantine iti mismo nga stasyon ti PNP Vintar idinto nga uppat dagit naghome-quarantine.
