LAOAG CITY – Naabandonar ti maysa a kotse a Toyota Vios a nagmaris orange nga adddaan ti plate number IAA 8905 iti bypass road a sakop ti Brgy. Sta. Maria ditoy siudad ti Laoag.
Iti impormasyon a nakalap ti Bombo Radyo Laoag, nabuong ti sarming iti tawa ti driver’s seat ken naidungpar iti barikada ti nasao a kalsada bayat a nakasango iti amianan.
Immuna iti daytoy, naireport iti PNP San Nicolas nga adda iti mapukpukaw a kotse manipud iti IT Park iti nasao nga ili.
Kinumpirman ni Police Major Joseph Baltazar, officer I charge ti PNP San Nicolas a kukua ni Sangguniang Bayan Member Maindryann Daine Sales, residente iti Brgy. Saud iti ili ti Pagudpud.
Kuna ni Baltazar a rimwar ti kotse ti konsehal a maipagarup a saan a naipakpakada.
Gapu iti daytoy, inbatad na nga imbestigaren da a naimbag ti insidente.
Inbunannag ni Baltazar nga awan ti ammo dagiti maseknan a nakariri da bayat nga adda da iti nasao a parke idi rabii.
