LAOAG CITY – Nagun-od ti baro a world record ti ay-ayam ti tug of war a naiyuswat iti United Kingdom gapu iti atiddog a distansia daytoy.
Kinumpirmaran ti records keeping organization a Guinness World Records a ti naiyuswat a tug of war iti Cefn Sidan beach iti Pembrey, Wales ti nabirngasan a “Longest Distance Game of Tug of War.”
Daytoy ket gapu iti atiddog a distansia a dumanon iti 1,694 a kadapan.
Ti ay-ayam ket inorganisar iti panagtitinnulong ti Foundation Coleg Sir Gar, Wales Young Farmers Club ken Pembrey Country Park.
Naiyuswat ti tug of war idi Marso 1 a nakipartiparan dagiti 50 a tattao iti agsinnungbangir ti team. Indauloan ti tunggal team dagiti Welsh rugby legends nga isuda ti Scott Quinnell ken Elinor Snowsill.
Daytoy nga event ket paset ti Guinness World Records Cymru 2024, maysa a show a maselselebraran ti St. David’s Day ken dagiti naidumduma a talento dagiti taga-Wales.
