LAOAG CITY – Inpasigurado ni President Ferdinand ”Bongbong” Marcos Jr. a nakaalerto amin a maseknan nga ahensya ti gobierno iti iduduprak ti Super Typhoon Nando.
Iti press statement, inbatad ni Marcos a personal a monmonitoren na ti sitwasyon kadagiti apektado a probinsya.
Kuna na nga addan dagiti naawat da a report manipod iti nagduduma a probinsya mainaig iti bagyo Nando no sadinno nga agpaspasar dagitoyen ti napipigsa a tudo ken angin.
Innayon na nga adda metten dagiti naisayangkat a preemptive evacuation ken inpasigurado na a dagus a maipaay dagiti kasapulan dagiti adda iti evacuation centers.
