LAOAG CITY – Natay ti maysa nga indibidual kalpasan a nadisgrasia iti paset ti National Highway iti Barangay Macayepyep iti ili ti Banna.
Ti biktima ket agtawen ti 24 ken residente ti Barangay 4, Marcos iti nasao nga ili.
Basar iti Banna Municipal Police Station, posible a na-overshoot ti driver ti motorsiklo a nangitunda iti pannakadisgrasia daytoy.
Mainaig iti daytoy, rumrummuar iti imbestigasion a maipagarup a napan nangitulod ti biktima idi napasamak ti insidente.
Naammoan a maibilang nga accident prone area iti nakapasamakan ti disgrasia gapu ta kurbaan ken nasipnget iti nasao a lugar.
Kabayatanna, naitaray iti kaasitgan nga ospital ti biktima ngem naideklarar a dead on arrival.
