LAOAG CITY – Kinumpirmaran ni SFO2 Jay Simbol iti Bureau of Fire Protection (BFP) ditoy ciudad ti Laoag a ti napasamak a grass fire idi rabii ket isu met laeng ti nakapasamakan ti uram itay parbangon iti paset ti Barangay 16, San Jacinto ditoy ciudad.
Segun kenni Simbol, sinigurado da a nasebseban ti uram idi rabii ngem mabalin nga adda ti nabati a benggang gapo ta ado a kayo ti naitambak iti nasao a lugar.
Inbatad na nga umabot ti 200 sq meters ti kalawa ti nakapasamakan ti uram.
Kuna ni Simbol nga imbestigaren da ti posibilidad nga adda ti nangiranta iti uram.
Kabayatanna, inpasingked ni Simbol nga adayo iti nakapasamakan ti uram kadagiti sumagmamano a rides iti napalabas a fiesta ditoy ciudad.
