LAOAG CITY – Panggep ti Department of Social Welfare and Development (DSWD) a rugian ti panagipaay ti nangatngato a cash grants para kadagiti benepisiario ti Pantawid Pamilyang Pilipino Program (4Ps) inton sumaruno a tawen.
Segun ken ni Department of Social Welfare and Development Assistant Secretary JC Marquez, ita a tawen, iyun-unada ti pannakaaramid ti singasing a maingato ti gatad ti cash grants para kadagiti 4Ps babaen ti pannakitinnulong ti National Economic and Development Authority, Philippine Statistics Authority ken ti Philippine Institute for Development Studies (PIDS).
Kinunana a naannad a maad-adal daytoy ken inton maaramid ti proposal ket maited kadagiti ahensia dagiti detalye.
Maipalagip, immuna nga inpakaammo ti Department of Social Welfare and Development nga aadadalenda tio nasao a banag tapnu mapaadu ti cash grants para kadagiti 4Ps iti baet ti kicking inflation ditoy pagilian.
