LAOAG CITY – Maysa nga inpagarup a naiyaw-awan laeng a pusa ngem naduktalan nga European wildcat.
Inkabil ti maysa a concerned citizen ti maysa a pusa iti Bergheim Animal Shelter idiay Germany kalpasan a napidotna iti maysa a kalsada.
Segun iti nakapidot daytoy, kalikagumna nga amponen ti pusa ngem nagbuteng isuna gapu ta saan a gagangay nga agresibo nga ugali daytoy.
Nagatap dagiti staff ti shelter a saan daytoy a gagangay laeng a pusa ken nakikoordinarda iti Retscheider Hof wildlife center.
Kalpasan a nakita ti pusa, nakumpirmaran a maysa daytoy nga European wildcat a maysa a protected specie idiay Germany.
Iti agdama, adda iti nasao wildlife center ti wildcat ken apaman a dumakkel daytoy ket maisubli iti kabambantayan.
