LAOAG CITY – Inpasigurado ti National Police Commission (NAPOLCOM) nga agbalin a patas ti imbestigasyon da kontra iti 12 a pulis a karaman iti kaso dagiti mapukpukaw a mammallot.
Maipalagip a pinatawan ti komisyon dagiti nadakamat a pulis ti 90 dnga aldaw a preventive suspension.
Iti maysa a rakurak, inbatad ni National Police Commission Vice Chairperson ken Executive Officer Rafael Vicente Calinisan a gagem ti nasao nga addang a mapagtalinaed ti integridad ti imbestigasyon.
Kuna na pay a makatulong daytoy tapno maliklikan ti aniaman nga impluwensya kadagiti testigo ken maidasar nga ebidensya.
Karaman kadagiti napatawan ti suspension ket isuda Police Colonel Jacinto Malinao Jr., P/LtCol Ryan Jay Eliab Orapa, P/Major Mark Philip Simborio Almedilla, ken dadduma pay.
Napilaan pay dagitoy ti kaso a Grave Misconduct ken Conduct Unbecoming of a Police Officer.
