LAOAG CITY – Nakigtot ti naruay a basketball fans iti napasamak a kadakkelan a player trades ti Los Angeles Lakers ken Dallas Mavericks.
Saan a mamati ti Mavs fans a paruk-atanda ti star guard a ni Luka Doncic kasukat ni Lakers big man Anthony Davis.
Ibilang ti Lakers fans a maysa napigsa nga agpada nga star player ni LeBron James iti agtawen ti 25 ken five-time-All Star Slovenian player.
Iti biang ti Dallas, inbatad ti general manager-da a ni Nico Harrison a ti panangalada ken ni Davis ket ad-adda pay a pumigsa ti depensada.
Gapu iti nasao a deal ket maala met ti Mavs ti guard a ni Max Christie ken ti 2029 first-round draft pick.
Naammoan a ti Lakers ket maalada met da Maxi Kleber ken Markieff Morris idinto ti Utah Jazz nga adda iti maikatlo a koponan a paset ti deal ket maalada ni Jalen Hood-Schifino.
