LAOAG CITY – Nagreklamo dagiti fans ti P-pop group a BINI ti presio ti tickets ti Grand BINIverse concerts-da inton bulan ti Nobiembre.
Idi kalman ket pormalen nga inruar ti concert organizer ti presio dagiti tickets a ti kanginaan ket dumanon iti P11,000 ken ti kalakaan ket agbalor iti nasurok P1,000.
Mangrugi ti panaglako ti tickets inton Agosto 20 agingga 31.
Maiyuswat ti grand concert ti grupo inton Nobiembre 16 ken 17 iti Araneta Coliseum.
Sumagmamano kadagiti fans ti nadismaya gapu iti kinangina unay dagiti tickets no sadinno katukad daytoyen kadagiti ticket prices dagiti international KPOP group.
Naammoan nga adda dagiti nangibaga a nasken a pang-masa ti tickets gapu ta kaadduan kadagiti fans-da ket dagiti estudiante nga awan pay ti trabahoda.
Maipalagip a pinasikat ti grupo dagiti kanta kas ti “Pantropiko,” “Salamin” ken dadduma pay.
