LAOAG CITY – Naitantan ti naruay a flights iti Heathrow ken Gatwick airports idiay London gapu iti napigsa a panagkimat.
Basar iti air traffic control ti United Kingdom, sumurok 900 dagiti inbound ken outbound flights kadagiti nasao nga eropuerto ti naitantan ti sumurok 11 nga oras.
Nakanselar pay ti sumagmamano a flights gapu kadagiti napipigsa a panagkimat.
Binalakadan dagiti eropuerto dagiti pasahero a kitaen a naimbag dagiti schedule ti flights dagitoy.
Manamnama nga ita nga aldaw ket agsubli met laeng ti normal nga operasion dagiti flights idiay London.
