LAOAG CITY – Nangiyuswat ti tignay protesta dagiti naruay a tattao idiay Syria kalpasan nga adda ti nanguram ti Christmas tree iti main square ti Suqaylabiyah.
Ti main square ti Suqaylabiyah ket Christian-majority town iti central Syria.
Basar iti video, adda dagiti nakamaskara a lallaki a nangpoor ti nasao a Christmas tree.
Mainaig iti daytoy, inpakaammo ti Hayat Tahrir al-Sham (HTS), ti kangrunaan nga Islamist faction a nangidaulo iti pannakapadisi iti turay ni President Bashar al-Assad, a dagiti foreign fighters ket nakabalud dan gapu iti napasamak nga insidente.
Inpasigurado pay dagiti mangibagi ti Hayat Tahrir al-Sham a protehiran da ti karbengan ken kinawaya ti religious ken ethnic minorities iti Syria.
