LAOAG CITY – Narway a paltog, bala ken nagduduma a pyesa ti paltog ti nakumpiskar dagiti kameng ti PNP-Badoc iti pagtaengan ken kubo-kubo ti agnagan ni Jimmy Salvacion iti Brgy. Ar-arusit iti ili ti Badoc.
Nakumpiskar dagiti otoridad ti maysa a caliber 38, tallo a pidaso ti live ammunition iti caliber 22 magnum, dua a piadaso nga ammunition iti 12 gauge shot gun, innem a pidaso a ammunition ti caliber 22, maysa nga empty shell ti caliber 38, maysa nga unit a disassemble ti caliber 22 rifle, maysa nga unit a converted a caliber 22 nga addaan ti magazine, maysa nga unit nga homemade nga M14 rifle nga addaan ti dua nga amminution, maysa a pidaso ti nga apputan ti air raffle, maysa a pidaso a wooden bat para iti caliber 22
Malaksid iti daytoy, naala pay ti maysa a telescope, 16 a pidaso ti ammunition para iti 9MM, 12 a pidaso ti ammunition iti M16, maysa a pidaso ti ammunition iti caliber 45, lima a pidaso ti tubo para iti air gun riffle, sumagmamano anga unservisable nga airsoft pistol ken nagduduma a klase ti kagamitan para iti panagtarimaan na ti paltog.
Naamoan a ti M14, caliber 38 ken caliber 22 rifle ket agpapada a pumutok ken dagiti dadduman ket matarimaan.
Segun ti report, adda pay ti naaramid a kayo no sadinno a maaikkan ti partes ti paltog ket agbalinen a paltog.
Naiyuswat ti search operation kalpasan nga inyetnag ni Judge Nida Alejandro ti search warrant gapo ti panaglabsing na iti RA 10591.
