LAOAG CITY – Kinnidaw ni Sangguniang Panlungsod Member Jayson Perrera iti nasayaat ken umno a pannakausar iti pondo ditoy cuidad ti Laoag.
Daytoy ket kalpasan ti nabara a mapagsasaritaan iti agdama iti national government mainaig iti isyu a sangsangwen ni Vice President Sara Duterte iti maipgarup a korapsyon wenno saan nga umno a pannakausar ti pondo ti gobierno.
Inbatadna a saan kuma a kastoy ti mapasamak iti pondo ti City Government nangruna ket kaleplepas ti pannakaipasa ti annual budget ditoy cuidad.
Kinunana a kasapolan nga ti pondo a naipasa ket mausar kadagiti pagsayataan a programa, aktibidad, proyekto ken dadduma pay.
Malaksid iti daytoy, nagpalagip daytoy maipanggep iti budget a paggatang ti maysa nga aircon nga aggatad iti P60,000 ket patienna a nalabes unay daytoy basar kadagiti nagdamdamagan na.
Nupay kasta, kinuna ni Perrera a rumbeng a ti tunggal maysa ket masapol a kitaen dagitoy tapno saan a masayang dagiti pondo ken maipaan kadagiti rumbeng a pakaipapanan na.
