LAOAG CITY – Kinumpirmaran ni Ms. Novalyn delos Santos, administrator iti Barangay 51-B Nangalisan ditoy ciudad ti Laoag a kaadoan kadagiti pagtaengan ket nakaawat ti dua a billing statement manipud iti IIlocos Norte Electric Cooperative.
Segun kenni Delos Santos, namindua met a nakaawat ti billing statement ti barangay hall no sadinno a ti ummuna ket idi Oktubre 8 ken itay bigat, Oktubre 10 ngem ngimmato iti nasurok 100 a pisos.
Inbatad na a ti palawag ti meter reader, saan pay a ngimmato idi Sabado ti kada kilowatt per hour rason a nagdoble da a nag-reading.
Inlawlawag na a ti konsumo ket awan ti nagbaliwan na ngem ti kadagupan a bayadan ket isu ti ngimmato iti 50 agingga iti 100 ken adda pay ti 700 a pisos ti nagngatoan na iti maikadua a billing statement manipud iti ummuna a naawat da idi Sabado.
Mainaig iti daytoy, saan da a maibaga no anya ti addang da kangrunaan na iti biang ti barangay ket nakabayaden ti treasurer.
