LAOAG CITY – Nagballaag ti Department of Health maipanggep iti ngumatngato a kaso dagiti makapaspasar ti Advanced HIV Disease (AHD) ditoy pagilian.
Kageddan ti 16th Plenary Meeting ti Philippine National AIDS Council, inbatad ti Department of Health nga agingga idi Agosto 2024, addan ti 40,934 a kaso ti Advanced HIV Disease ditoy pagilian.
Daytoy ket mangipakita ti 30% ti amin nga cumulative cases manipud idi 1984.
Dinakamat ti World Health Organization ti Advanced HIV Disease a maaddaan ti CD4 cell count a nababbaba iti 200 cells per-cubic-millimeter ti dara wenno adda iti Stage 3 wenno 4 kadagiti natataengan ken adolescents.
Naammoan a ti CD4 ket klase ti white blood cell a maaw-awagan a T-cells nga agtartaray iti sibubukel a bagi ken gagemna a dadaelen ti pathogenic microbes kas ti bacteria ken viruses.
Inbatad ti Department of Health a ti late diagnosis ket mangitunda ti ngumatngato a bilang ti mairekrekord gapu iti HIV wenno adda ti 8,246 sipod pay idi 1984.
Agtultuloy a ngumatngato dagiti matmatay iti tinawen manipud iti nababbaba ngem 100 idi 2011 ket dumanon iti nasurok 400 idi 2015 ken 879 idi 2022.
Kabayatanna, kaadduan kadagiti matmatay ket dagiti lallaki nga agtawen iti 25 agingga 34.
