LAOAG CITY – Umaboten iti nasurok 90 a kaso ti hand, foot and mouth disease ti nairekord ti ciudad ti Laoag manipud Enero agingga iti Agosto ita a tawen.
Segun kenni Dr. Rodrigo Catcatan, mangidadaulo ti City Health Office ditoy ciudad ti Laoag, daytoy ket nangatngato no ikumpara iti nairekord a kaso iti napalabas a tawen.
Inbatad na siyam manipud iti pakabuklan a kaso ket nairekord idi bulan ti Agosto ken amin dagitoy ket ubbing nga agtawen ti lima agingga iti 10.
Inpakammo na nga awan ti agas nga ipaay ti City Health Office no diket mangited da ti paracetamol ken bitamina a makatulong iti resistensya dagitoy.
Inlawlawag na a ti hand, foot and mouth disease ket gapo iti viral infection a mabalin a maala manipud iti aglawlaw ken no nakapsot ti immune system nangruna kadagiti ubbing ket mabalin a makaptan iti nasao a sakit.
Kabayatanna, nagpanawagan ni Catcatan a no adda ti sintomas iti daytoy a ket masapol a ma-isolate tapno saan a maakaran dagiti pada da nga ubbing ken mangan kadagiti nasusustansya a taraon.
