LAOAG CITY – Umabot iti nasurok a 100 a tattao ti natay idinto a 150 a sabsabali dagiti nasugatan iti napasamak nga uram iti maysa a pakasar iti Hamdaniya District iti probinsya ti Nineveh idiay Iraq.
Iti agdama, agtultuloy ti panagbirbiruk ken panagrekobre ti civil defense kadagiti nauram a biktima.
Inbatad ni Nineveh Deputy Governor Hasan al-Allaq nga iti agdama ket addan ti 113 nga indibidual ti kumpirmado a natay iti insidente.
Kuna na pay a karaman kadagiti natay ket ti groom ken bride.
Rumrumuar a namonganay ti uram iti nasindian a paputok para iti selebrasyon ti kasar.
