LAOAG CITY – Umabot iti nasurok a 100 a ribo a pedaso nga itlog nga agbalor iti $40,000 ti naitaray dagiti mannanakaw iti maysa a grocery store iti estado ti Pennsylvania idiay Estados Unidos.
Napasamak daytoy kalpasan a naipangato ti presyo ti itlog iti Estados Unidos gapu iti bird flu epidemic.
Iti napalabas a tawen ket naipangato iti nasurok nga 65 a porsiento ti presyo ti itlog iti Estados Unidos, ken manamnama a maipangato pay iti agarop 20 a porsiento ita a tawen.
Basar iti Agriculture Department, ti bird flu epidemic ket nangrugi paylaeng idi 2022 a nangitunda ti outbreaks iti intero nga Amerika kadagiti naglabas a bolan.
