LAOAG CITY – Umaboten iti nasurok a sagaribo nga indigent a senior citizens ditoy ciudad ti Laoag ti nakaawat ti social pension da manipud National Government babaen ti Department of Social Welfareand Development – Region 1 ken City Social Welfare and Development.
Nakaawat dagiti senior citizens ti sag-tallo a ribo a pisos iti social pension para iti 1st Quarter ita a tawen.
Malaksid ti social pension manipud iti gobierno national ket adda pay ti bukod a programa ti gobierno lokal ditoy ciudad a napaulwan ti Milestone Award no sadinno a maikkan ti cash incentives dagiti Laoagueños nga agtawen 70 agpangato.
Ti nasao a benepisio ket wagas a panangiparikna ti gobierno ciudad ti panagayat da kadagiti senior citizens a saksi iti panagdur-as ti ciudad ti Laoag.
