LAOAG CITY – Umabot iti nasurok a 30 a tattao ti natay kalpasan a natnag ti nagluganan da a bus iti derraas iti kabanbantayan a paset ti Bolivia.
Naamoan a ti nasao a bus ket natnag iti agarop 800 a metro ti kauneg na a derraas iti southwestern district ti Yocalla.
Malaksid kadagiti natay ket adda pay ti 14 a sabsabali a nasugatan iti insidente, pakairamanan ditoy ti uppat nga ubbing.
Ti Bolivia ket addaan kadagiti narisgo a kalsada kangrunaan na kadagiti kabanbantayan isut gapuna a naipagagangayen ti kaado dagiti mapaspasamak a disgrasya iti nadakamat a pagilian.
