LAOAG CITY – Umabot iti nasurok a 300 a ribo a pisos ti inisyal a balor dagiti nadadael iti pannakauram ti sumagmamano a paset ti maysa a balay iti Barangay Balacad ditoy ciudad ti Laoag
Daytoy ti inbatad ni Senior Fire Inspector Ronald Castillo, ti firemarshall ditoy ciudad ti Laoag.
Segun ken ni Castillo, rumrumuar iti imbestigasyon da a ti linya ti kuryente iti uneg ti bobeda ti nangrugyan ti apoy gapu ta ti insulator na ket nginetnget dagiti bao.
Innayon na a ti napakarwan a nauram ket ti storage ken ti maysa a kwarto no sadinno a naminpinsan a nauram pakairmanan ti bobeda na.
Mainaig iti daytoy, inpakaammo ni Castillo a nagpaot ti 45 a minutos ti uram sakbay a naan-anay a nasebseban da.
