LAOAG CITY – Umabot iti nasurok a 5 ribo a libro ti naibunungen ti Liga ng mga Barangay ditoy ciudad ti Laoag.
Daytoy ti inpakaammo ti Liga ng mga Barangay ditoy ciudad iti panangidaulo ni President Roque “Rbee” C. Ablan kadwa na dagiti dadduma pay nga opisyal ken miembro ti liga.
Karaman kadagiti nabunungan ti libro ket iti Laoag Central Elementary School; Gabu Elementary School; Eulalio F. Siazon Memorial Elementary School; Shamrock Elementary School; Roque B. Ablan Sr. Elementary School; Sta. Maria Elementary School; Buttong Integrated School; Gabaldon Elementary School ken Cabeza Elementary School.
Inlawlawag ni Presidente Ablan a ti nasao nga addang ket saan laeng a maipanggep iti panangted kadagiti libro ken workbook no di ket maipapan daytoy iti panangpabileg iti misyon ti Liga ng mga Barangay a manglaban iti makaalarma a panagbaba ti reading comprehension dagiti agtutubo.
Innayon na nga iti kada libro a maited ket irepresentar na ti maysa nga addang nga agturong iti napigpigsa a panagbasa ken panagsurat para iti tunggal agad-adal ditoy ciudad ti Laoag.
