LAOAG CITY – Inarestar dagiti otoridad ti nasurok a 70 a pro-Palestinian protesters idiay New York kalpasan nga inokupar da ti sumagmamano a paset ti main library iti Columbia University .
Basar iti report, adda ti dua a security officers iti nasao nga unibersidad a nasugatan kalpasan a pwinersa dagiti demonstrador ti simrek iti nasao a library.
Inawagan met ni University President Claire Shipman ti nagbalin nga addang dagiti demonstrador a nakabutbuteng.
Makita iti video nga agkakanta dagiti demonstrador a sumsumrek iti library a kaadoan kadagitoy ket nakamaskara, maikontra daytoy iti pammilin ti Trump Administration.
Mainaig iti daytoy, kinumpirmaran ni Shipman a kaadoan kadagiti demonstrador ket saan nga estudyante iti nadakamat nga unibersidad.
Ti New York college ket epicentre ti pro-Palestinian protests kontra iti gubat iti Gaza ken ti panangsupsuporta ti Estados Unidos kadagiti college campuses iti Israel.
