LAOAG CITY – Kinumpirmaran ti Korte Suprema a naawatdan ti kopya ti petision nga inpasa ti maysa a grupo a pakairamanan dagiti retirado a suldado mainaig iti salun-at ni Presidente Ferdinand Marcos Jr.
Basar iti urgent petition for mandamus nga inpasa ti United People’s Initiative ken isuda ret. Gen. Romeo Poquiz, kidkiddawenda a bilinen ni Presidente Marcos Jr. nga irakurak ti pudno a situasion ti salun-at daytoy ken mangiruar ti regular, tugma ken aktibo a medical bulletins.
Malaksid iti daytoy, kalikagumda pay a dumalan iti hair follicle drug test ni Marcos ken ipublikar ti resulta daytoy.
Segun kadagiti petitioners, kas kangatoan nga opisial iti pagilian ket responsibilidad ti Presidente nga ipakaammo kadagiti umili no adda ti seryoso a sakitna.
Dinakamatda ti panagatendar ni Marcos iti pannakaobserbar ti Araw ng Kagitingan idi Abril 9 no sadinno a madanaganda idi nakitada a posible nga adda ti sakit ti Presidente.
Immunan a naglikudan ni Presidente Marcos Jr. nga adda ti nakaro a sakitna ken naaramidna pay a nag-jogging ken jumping jack iti uneg ti Malacañang.
