LAOAG CITY – Umaboten iti nasurok dua a bilyon a pisos ti balor ti nadadael kadagiti pagadalan kalpasan ti magnitude 7.4 ken magnitude 6.8 a gingined idiay Manay, Davao Oriental.
Segun iti Department of Education (DepEd), manipud iti 947 a pagadalan iti lugar ket 575 ti nadadael gapo iti napigsa a gingined.
Mainaig iti daytoy, agtultuloy met ti rapid visual assessment iti epekto ti napigsa a gingined tapno maadal ti integridad dagiti pasdek.
Umabot met iti 89,691 nga agad-adal ken 8,324 a teaching personnel ti naapektaran iti gingined.
Agtultuloy met ti assessment dagiti sumagmamano pay nga ahensia ti gobierno iti Davao Oriental ken kabangibang na a probinsia.
Kabayatanna, adda idiay Davao ni Department of Public Works and Highways Secretary Vince Dizon a mangidaulo iti clearing operation, rapid assessment kadagiti infrastructure, ken ammoen dagiti kasapulan dagiti apektado a residente.
