LAOAG CITY – Inrakurak ti Professional Regulation Commission (PRC) Board of Criminology ti resulta ti February 2026 Criminology Licensure Examination (CLE), karaman ti kumpleto a listaan dagiti pimmasa iti top 10 examinees, ken performance dagiti pagadalan, kalpasan ti 22 nga aldaw a pannakatingiting na.
Basar ti Professional Regulation Commission, adda ti 30,320 manipod iti 45,936 examinees wenno 66.00% ti nakapasa iti nasao a licensure examination.
Inbatad ti Professional Regulation Commission a ti resulta para iti 54 nga examinees ket nakapenpen para iti final determination ti liabilities da, ken adda met ti 16 examinees a nakapenpen paylaeng kas pending iti panangisumitir ti kasapulan a dokumento.
Ti Criminology Board examinationa ket naisayangkat idi Pebrero 4-6, 2026, iti nagduduma a testing centers iti National Capital Region, Baguio, Butuan, Cagayan de Oro, Calapan, Cebu, Davao, Iloilo, Koronadal, Legazpi, Lucena, Palawan, Pagadian, Pampanga, Rosales, Tacloban, Tuguegarao, Zamboanga, Bacolod, Bayambang, Bohol, Catarman, Cauayan, Dumaguete, Ilocos Norte, Ilocos Sur, Kidapawan, Lipa (Batangas), Nueva Vizcaya, Romblon, ken Naga.
Indaulwan ti Board of Criminology da Hon. Ramil G. Gabao (Chairman), kadwa na da Hon. Lani T. Palmones ken Hon. Warren M. Corpuz.
Sakupen ti February 2026 Criminology Licensure Examination ti Criminal Law and Jurisprudence, Law Enforcement Administration, Crime Detection and Investigation, Forensic Science, Correctional Administration, ken Criminology.
Kangatoan nga scorer iti eksaminasyon ni Khim Erole Lawyan Batersal ti Lanao School of Science and Technology nga addaan ti 93.05% passing rate.
Kabayatanna, immuna met kadagiti pagadalan basar iti bilang ti examinees ken passing rate ti University of Iloilo nga addaan ti 96.76% passing rate wenno addaan ti 200 wenno nasursurok pay nga examinees.
