LAOAG CITY – Dumanonen iti 29 ti bilang dagiti pimmusay gapu iti agtultuloy a panagtudtudona iti Rio Grande do Sul idiay Brazil.
Umabot met iti 60 a tattao ti nairekord a mapukpukaw idinto nga adda ti 10,242 ti napukawan ti pagtaengan kadagiti 154 a siudad.
Inawagan ni State Governor Eduardo Leite a maysa a kritikal a kaso ti naimaldit iti pakasaritaan iti intero a Brazil.
Kabayatanna, nangisayangkat metten ti inspeksion ni Presidente Luiz Inacio Lula da Silva ken inpasiguradona ti maipaay a tulong kadagiti naapektaran a biktima.
