LAOAG CITY – Inpasigurado ti National Food Authority (NFA) kadagiti mannalon a ti floor price iti panaggatang ti irik ket saan a bumaba iti single-digit levels.
Daytoy ket gapo iti panagamak dagiti mannalon a posible nga ilako da dagiti apit da iti nababa a presyo a rason ti pannakalugi da.
Segun kenni NFA Administrator Larry del Rosario Lacson, patalinaeden ti ahensya ti agdaa a buying prices para iti quality palay iti laksid ti reports mainaig iti farmgate rates a bimmaba iti P6 iti kada kilo iti sumagmamano a probinsya.
Inlawlawag na a saan da nga aramiden daytoy gapo ta kalikagom ti gobierno ken ti ahensya a tulungan dagiti mannalon nangruna ket narigat ti agdama a sitwasyon da.
Inbatad ni Lacson a ti NFA ket gumatgatang ti saan a nabasa nga irik iti P17 agingga iti P23 iti kada kilo idinto a ti clean ken dry palay, ket P23 ti kada kilo.
